واحد الروينة هادي لي نايضة فاليوتوب المغربي، ما بقات غير محتوى ولا ترفيه، ولات فضيحة بـ “قواعدها”! كلشي ولا مسرح، وكل واحد تيقلب على “البوز” ولو يكون بالنزول لـ “الحضيض” وقلة الحياء.
🤦♂️ “منعم ورجاء”: الدار ولات قهوة!
داكشي لي وقع مؤخراً بين “منعم ورجاء” بنت نعيمة البدوية، راه “تا العيب عيا منا”. المشاكل الزوجية لي خاصها تبقى بين أربعة حيوط، خرجوها “على عينيك يا بن عدي” لـ “سوشل ميديا”. أسرار الفراش وغرفة النوم… كلشي ولا يتفضح قدام ملايين المشاهدين.
الكارثة الكبرى: التصرفات لي شافها الشعب، وبالأخص طريقة كلام “منعم” مع زوجته، وهو تيضرب ليها على فخضها! واش هادي جلسة ديال زوجين ولا “شي حاجة أخرى”؟ الطريقة لي كان كيهضر بيها، خلات بنادم يستنكر ويقول: “واش هاد الناس تيصورو فيلم إباحي ولا آش؟”، هادشي حشومة وعيب على سمعة المغاربة.
🗣️ “السب والقذف”: ولات عادي!
ماشي غير فضائح الأزواج، راه ظاهرة “السب والشتم والقدف والكلام النابي” ولات منتشرة بحال شي “وباء” فاليوتوب. اللي تفرج شوية فبعض القنوات يحس بـ “الحموضة” و “قلة الأدب”. ولات لغة الشارع النابية هي لغة “المحتوى” الرائج، باش تحقق المشاهدات و”تضرب الفلوس”.
✊ الشعب المغربي “عاق” وناض… المطالبة بالتدخل العاجل!
الحمد لله، “المغاربة الأحرار” داخل الوطن وخارجه، ما تقبلوش هادشي.
– الفعاليات المدنية والجمعيات: دخلات على الخط، وحركت شكايات في الموضوع، باش يوقفوا هاد “المهزلة الأخلاقية” اللي كتسيء لـ “الصورة ديال المغربي”.
– الصحافة والمحامون: حتى هما استنكروا هاد “الانحراف”، وطالبوا النيابة العامة باش دير خدمتها.
– المطلب واضح وضوح الشمس: خاص “النيابة العامة تتدخل بصفة عاجلة” وتطبق القانون على كل من أساء للآداب العامة والذوق العام، و “تغلق جميع القنوات” اللي كتشوه المجتمع وكتنشر الرذيلة وقلة الحياء.
ياك المغرب بلاد إسلامي وعندنا “التقاليد والأصول”؟
ما يمكنش نخليو حفنة ديال الناس “يدنسوا” سمعة المغاربة كاملين باش يربحوا شوية ديال الفلوس من المشاهدات. “خص القانون يطبق بلا شفقة ولا رحمة”، باش تكون عبرة للجميع، ونرجعوا لـ “الاحترام” فـ “الفضاء الافتراضي”.
سؤال كيطرح راسو: واش غانبقاو نتفرجو فـ “العيب” حتى يولي هو “الأصل”؟ ولا خاصنا نوضو ونطالبو كل واحد يتحمل مسؤوليته؟
