هذا عرس ماشي ديال تفياق النعاس! العالم كامل شاف بعينيه، والمجلس ديال الأمم المتحدة، اللي هو بمثابة “المونديال السياسي”، عطانا كلمة الحق: الصحرا ديالنا ومغربية! الفرحة د المغاربة داخل وخارج البلاد كانت بحال شي تسونامي ديال الوطنية، والدول الكبيرة شكرات المغرب على هاد الانتصار التاريخي.
فين كنتي يا “جيراندو” نهار العز؟
وسط هاد الزغاريت والاحتفالات، بانت لينا شي وجوه مكشرة، ما عجبها الحال! على رأسهم هشام جيراندو، اللي محكوم بـ 15 عام ديال الحبس النافذ.
السيد اللي كيقول “كندافع على الوطن”، فين كان حسو الوطني نهار لي خاصو يخرج ويزدم ويقولها بجهد: “الصحرا مغربية! عاش جلالة الملك نصره الله و عاش المغرب!”؟
ولكن لا! بان لينا غير الغل والحقد، وهادشي كيبين بلي ماشي حب الوطن اللي كيحركو، ولكن رغبة خايبة في الانتقام من هاد البلاد اللي كبر فيها. وما نسسناش الصديق ديالو رضى ليلى، لي حتى هو بان للجميع آش ناوي.
“العاصفة القادمة”؟ المغرب كبير عليك!
في تدوينة خطيرة، جيراندو كتب: “………… نحن هنا و نراقب العاصفة القادمة”…
وكنجاوبوه من هنا، وبكل وضوح: “العاصفة القادمة غادي تديكم نتوما بجوج لأبعد الحدود! المغرب راه كبير عليك بزاف، وعلى أي واحد بحالك وبحال رضى ليلى! هاد البلاد ماكتحنيش راسها قدام شي حد بغا يلعب بالنار.
الشعب اللي كيحكم: تعاليق كتشعل 🔥
الرد الحقيقي جا من عند الشعب، اللي هو صوت الحق اللي ما كيغلبوش حد. شوفو آش كيقولو المغاربة ليلا ونهارا:
* طارق لخص ليكم القصة في جملة وحدة: “تلاثة أشياء مستحيل ان تراها في الدنيا هي الجن والملائكة وحصول الجزائر على منفد الى المحيط الأطلسي” – كاو، وعطاها ليه قاصحة!
* سعيد قالها بالعلالي: “افتضح أمركم وبانت خيانتكم. عاش الملك”
* واحدة من “الملاعب المغربية” كتساءل: “أتسائل كيف هو شعور خائن الوطن”
* هشام عرا عليه: “طرا ليك فحال لخفاش ما هو من الحيونات ما هو من طيور تربجو ليك الافكار”
غير هاد التعاليق اللي كطيح عليك بالسب والشتم والقذف ليل ونهار، راه كافية ووافية! هادشي هو الحكم ديال الشعب، اللي ما كيظلمش وما كينافقش.
الصحرا مغربية، والمغرب غادي للأمام، واللي بغا يلعب في الواد الحار، غارق فيه بوحدو!
