أخزو زهير
عاود ثاني طّل علينا هشام جيراندو، هارب من العدالة والمحكوم عليه بالضوسيّات في المغرب، بنفس الإسطوانة المصدّية ديالو. كل خرجة، كل تدوينة، وهي قذف واتهامات بالجملة للمسؤولين الأمنيين والقضائيين. ولكن هاد المرة، تخطّى الخطوط الحمراء ديال المعقول!
و في تدوينة خطيرة، ديال الخائن الوطن جيراندو تهم السيد الوكيل العام لمحكمة الاستئناف بفاس، والسيد وكيل جلالة الملك بالابتدائية ديال فاس، بيلا عندهم سيدة “السمسارة” ديالهم. شفتي فين وصل به قلة الحياء؟ كلام ديال فارغ ما عنده لا ساس لا رأس، غير هضرة طايرة بلا دليل و ديما خارج تيقدف القضاء و رجال الأمن و المسؤولين.
يا هشام جيراندو، واش ما واعيش بلي كتكتب؟ ولا مشاربش دواك واش ما عارفش شكون هوما هاد الناس؟ وحنا نقولوا ليك شكون هما يا المتسول
الزايدي وحبشان: الشرف والنزاهة ماشي سلعة للابتزاز!
السيد الوكيل العام الأستاذ عبد الرحيم الزايدي والسيد وكيل الملك الأستاذ محمد حبشان بمدينة فاس، راهم أشرف من الشرف! سمعتي مزيان؟ يا الكاسول الناس معروفة بالنزاهة والصرامة في تطبيق القانون. و القانون فوق الجميع، وهاد الشي اللي باغي هذا الهارب يدخل فيه الشك!
الزايدي، الوكيل العام كابوس ديال العصابات الإجرامية وناهبي المال العام. خدمتو كلها جدية ونزاهة، وكلشي كيشهد ليه بالصرامة ديالو مع الحفاظ على الجانب الإنساني. راجل كيمثل العدالة اللي بغاها سيدنا الله ينصرو: خدمة المواطن والشفافية.
ومحمد حبشان، وكيل الملك اللي تكرم بوسام ملكي من درجة فارس، هذا دليل قاطع على العطاء ديالو والالتزام ديالو بخدمة الوطن. واش اللي كيخدم النزاهة وكيتكرّم ملكياً، كيجي هارب بحالك ويتهمو بالباطل؟ حشومة وعار!
الهدف ديالك واضح يا جيراندو: عندك حقد وضغينة على مؤسسات البلاد والناس الشرفاء اللي خدامين. محكمة فاس معروفة بالنزاهة ديالها، وأنت كل ما ضاقت بك السبل كتخرج تهاجم المسؤولين بكلام خاوي. هذا ماشي نقد، هذه محاولة بائسة للابتزاز والتشهير من وراء حجاب!
الضرب في شرف القضاة والأطر القضائية هو ضرب في الثقة ديال المواطن في المؤسسات ديالو. ولكن الحمد لله، المغاربة عارفين شكون هو الخائن اللي هارب، وعارفين شكون هوما الشرفاء اللي ساهرين على تطبيق القانون.
تذكر يا جيراندو: القانون لاحقك فين ما مشيتي! المحامي عادل سعيد لمطيري، ورجال القانون، وراهم تابعينك حتى للقضاء الدولي في مونتريال. وهذاك السعار اللي حساك، لأنه القضاء ضربك بالصّحيح: حذف الفيديوهات التشهيرية وغرامة كبيرة!
النباح من وراء الحدود عمره ما غايولي قانون! والمغرب ما غاديش يتهاون مع واحد كيمتهن الابتزاز ويقذف شرفاءه. كفى من اللعب بالنار. العدالة ديالنا أشرف وأكبر من تهريج هارب من العدالة و مبتز.
و انا عودة في الموضوع
